انا رباية اهلى

أنا رباية أهلي
مش ح اشتري رضاكو علية
لأني ما ح ابيعش رضائي
أنا لا تاجرت بتضحية
ولا باساوم بوفائي
ماليش في لؤم العصبية
ولا اشتهيت عمري بواقي
أنا شلت روحي عل أيديه
يناصرني طبع استغنائي
من صغر سني الحرية
عزفتني علي لحن غنائي
خدتني للسكك الغية
وزققتني الف - بائي
خدعوني ياما الفلاتية
وما كانش صعب استغبائي
وقلبوني ... الحرامية
وأنا في عز استعلائي
لا حاسبت حد علي النية
ولا لحظة شكيت في رفاقي
كافة ذنوبي علانية
تشهد جراحي وأشلائي
سبعين سنة عقبال ميه
لابد أكمل أوراقي
دا مش غرور ولا غشيمة
ببساطه كما ظلت سمائي
طين الغيطان فوق رجليه
دايس علي دماغ أعدائي
أنا الأرومة المصرية
بالحب تعرف أسمائي
أنا سمير ابن علية
ربابة أبويا عبد الباقي

برقية تضامن
قلبي معاك يا سامي يا أبن الحاج
نفسي اعتذر لك عن زماني الفج
حكم اللصوص كافة بقاع الأرض
والحق ضاع ما في أيدي غير احتج
****
ومعايا تصرخ ضحايا في كل حدب وفج