الحجر الدايب/ داير – دايمالدنيا اما تدور
لكن الواد قمور
عيد وله مأمور
عنده شهادة زور
متلمع مشهور
يتخطي ميت سور
عدى كل بحور
والخاطر المكسور
ويعيش ويا الدور
والطابق المستور
راجل كل العصور
من عصر المنصور
في حرير أو كستور
تتمرجح بندول
الحدق الموصول
قاضي ولو مشغول
لو مربوط محلول
متنفذ علي طول
ليصول ولا يجول
العصر المسطول
رضي بالعيش مبلول
عارف اللعب أصول
مهما تلت تقول
قاتل أو مقتول
للهبل المخبول
خيش كفنه مغسول
بين حادي وبادي
ماهواش عادي
جنتلمان هادي
له قلب رمادي
له ختم سيادي
ذو فعل إرادي
منفوخ علي الفاضي
ينفخ في زبادي
من نادي لنادي
ع المشموط راضي
ما يقفش حيادي
قدرك يا بلادي
في دمع أولادي
ياكبير ومالكش زى ... لو كان حداك عرق حي
ماكانوش ولاد النيل ... ماتوا عطش للمئ
بين حادي وبادي
ماهواش عادي
جنتلمان هادي
له قلب رمادي
له ختم سيادي
ذو فعل إرادي
منفوخ علي الفاضي
ينفخ في زبادي
من نادي لنادي
ع المشموط راضي
ما يقفش حيادي
قدرك يا بلادي
في دمع أولادي
ياكبير ومالكش زى ... لو كان حداك عرق حي
ماكانوش ولاد النيل ... ماتوا عطش للمئ