عيد واحد – للعمال ياناس
بيكرهوا الشعر
خوف من وحده العمال
و بيكرهوا نفسهم
عشقا ف رأس المال
اتصالحوا ويا الهزيمة
رضيوا بسؤ الحال
خفوا سلاح الجريمة
بلجاجة الأقوال
زعما الزمان الأخير
اتشعبطوا صدفه علي المواسير
حسب هوى الألعبان
ابن الانيته الخبير
مرقص الجماهير
علي طبلة الامتهان
وغيامة الزمامير
وهب الغفير الأجير
برنيطه المآمير
ورستاه ع الكراسي
يخطط المشاوير
وهبة العشاء الأخير
كومبينه ومنصة
اترتبت له في الإيراد حصة
في مجلس الأنس
أو في مجلس الطراطير
خدام برتبة وزير
وح تعمل إيه يا سمير
الحبل مترخرخ ومش مفتول
وكل شئ أصبح عبث معقول
الحب بسموم الخداع موصول
سخط الوطن نمره علي المحمول
مرفوعة م الخدمة بضمان مسئول
علي خط من قلته
فاضى – لكن مشغول
الطبقة جاهلة
هد حيلها الفول
لكن الزعيم فيلسوف
يعزف تاريخ إلي راحوا
علي وتر من خوف ومن تهاويل
كاره زمايله وكاره عجزه ويداري
يغازل الناس ولا بيطقش ريحتهم
ونفسه تاخدهم الداهية إلي جابتهم
مافيش صراع طبقي
وعمينا – سلامة الشوف
يرمي العتب ع الظروف
إلا في ساعة ما يقبض
في الدرا المظروف
يؤمرنا بالمعروف
كي يستمر الحال علي حالة
وأصل صلاته بعلاته ورسماله
بغواية السلطة اللي باقية له
مستطعم الذل
حين يمعن في إذلاله
يكرهه فــ نفسه
وح تعمل إيه يا سمير
الحبل مترخرخ ومش مفتول
وكل شئ أصبح عبث معقول
الحب بسموم الخداع موصول
سخط الوطن نمره علي المحمول
مرفوعة م الخدمة بضمان مسئول
علي خط من قلته
فاضى – لكن مشغول
الطبقة جاهلة
هد حيلها الفول
لكن الزعيم فيلسوف
يعزف تاريخ إلي راحوا
علي وتر من خوف ومن تهاويل
كاره زمايله وكاره عجزه ويداري
يغازل الناس ولا بيطقش ريحتهم
ونفسه تاخدهم الداهية إلي جابتهم
مافيش صراع طبقي
وعمينا – سلامة الشوف
يرمي العتب ع الظروف
إلا في ساعة ما يقبض
في الدرا المظروف
يؤمرنا بالمعروف
كي يستمر الحال علي حالة
وأصل صلاته بعلاته ورسماله
بغواية السلطة اللي باقية له
مستطعم الذل
حين يمعن في إذلاله
يكرهه فــ نفسه