كلاكيت تاني مرة !!
روبابيكيا
إيه ناوي تبيع تاني يا زعيم
والسوق مستكفي
حيلتك إيه إلا كلامك .. عاد ..
واللي ما بقاش يسوي تلاتة مليم
لكن الااضيش رافيعينة
أفيشات في الميادين
ناسخينه ما نشيتات علي صدر
جرايد ما حدش بقراها
حاطينه ومحاوطينه
بضي عيونهم في الفتارين
فارضينة جهلا غصب
تلامذة في مناهج التعليم
مع إن ماحدش منهم أصلا
بيصدق انك تعرف تقرا
علشان تقدر تكتب كده شعارات
وتهندش كده تصماميم..وتفنن تعاليم
وتفنن كل دي تفانين
يانصير الفقراء والظاليم
تم التسليم
يكفاك لصلصه كفياك تخريم
في دماغ الوطن المسكين
كل الناس عارفين
انك ملك النصنصه والتقسيم
خبير متمرس في فنون المصمصة
والقصقصة والتحكيم
طول عمرك صاحب مفاهيم وفهيم
تغسل تكوي
في أيام الخصخصة زى أيام التأميم
فارحمنا من تقل حضورك
ارحل عن سماواتنا – لنا رب كريم
لا التاريخ ها يستحمل سفسطة
ولا الجغرافيا ناقصة تلطيم
بقينا في أراضينا معازيم
لا يسار قادر يتحنجل زى البني ادمين
ولا قادر يتنطط فيها يمين
أنت لوحدك مالك
حق التأخير والتقديم
فايق زى الحشاشة
رايق متعايق يوميا تظهر ع الشاشة
مزوق وملزق ومروق
علي قد عملك يبقي اسود ودميم !
رد فعل .. عبيط
الكل للكل في منظومة محكومة
شامطة الجميع من رقابها أهالي وحكومة
حاله غرام وألا دي حاله طوارئ
وظرف طارئ – وإلا عله مشومةالطينة واحده – المخ واكلاه بارومة