قليل الأدبقلمك نجس ياصبي من ذله للنسوان
وأبوك توفي في نفس خلفه الصبيان
خربش جلد الوطن تاجرت بالإحزان
خدت الأدب فتونة اتنكرت للي كان
مدمن كتابه جبانة تكره الجدعان
مولفة ع الخيانة تعز كل جبان
نهشت خاصمك كمنه بيكره الخصيان
وفاكر النقد عصمة تعودك تنهان
لاطلت عزة رجب ولا شرف رمضان
بين البينين نكنسوك في زبالة النسيان
النضال – في أوقات الفراغ
في عصر ازلام التتر
سوا كانوا إجرام أو غجر
تكتر في مصر مضحكات
من اللي بتبكي الحجر
مناضلين بنص اجر – يثرثروا
ومفسدين – يسمسروا
وأساتذة م نوع الجهابذة
يبرروا
لمناضلين وقت الفراغ
يتمنظروا
حسب المواسم يظهروا
وفي غير أوقات العمل
ينظروا
لسلطة الزعيم
إلا واحد الغضنفر الهزير
تصبح العمالة حجه للسفالة
يفخروا
ويكتروا العواله العارفين السر
يفتروا
يسرقوا في العبط
هبالة او جهالة
كدب ، غش، هبر – يكبروا
يتكدروا المناضلين بحق
المصلوبين علي مشارف الخطر
المعجونين بحزن مصر
المقهورين بحبها
يتصبروا
أو يصبحوا يتامى
في مواسم جدبها يزمروا
وعلي موائد جزرها أو مدها
مالهومش ضهر – يصغروا
ومن عجائب القدر الكل معروفين بالاسم والصور
نفر..نفر
وأنا مش أقول أسامي
ولا ح أنبط بالحروف
مش قنزحه
لكن مراعاة الظروف
الخوف بيكفيني شرف
رسم الملامح
الجثث صاحية وحية بالروايح
فايحه بتزكم الأنوف
أصل اللي جاي اخطر
واكتر م اللي راح
الهدوم علي رأي أمي
مابتداريش
والوشوش مفضوحة فاضحة
فعل فاضح في الفاشوش
فجر قارح في إلي المالوش
الخشا . مابيختشوش
قال يا رايح سوق وكتر م الفضايح
اللي بايع أهله أصلا
وظنه مابيهموش ....!